PAU TOMAQ IITA PAUTTA DA TAU MAKKACURU Oleh Muhammad Tasriq. T
Maiqdi rupanna mala mipatassala ita rupa tau
Napakaiyyang ia namala nipaciqece
Napamapocci ia namala nipamapoddiq
Ia tomo iqo simemangan dao pakkacuru
Dao paqua sasiq, pauangoqo leqbo
Dao Paquang sapparaja, pauangoqo balango
Dao paqua biring sasi, pauangoo biring bodde
Datoo iqo paquang tui tuing, paquangoo igu
Dao paquang arriang, pauangoqo toqdoang
Datoo pendaiq di boyang pendaiq tia di sapo
Mua maandei seqiya loka, ande tomoo iqo luyo
Muaq maquangi isowa bollo bollo, paquang tomoo iqo lego lego
Dapasiriq maquang dole dole, pasiriqo tia maquang laliq
Dao pikkeqde, pettoqdoqo apa toluaoroo
Da too iqo pole namaquang membue
Paquangoo mebbangun apa toluaoroo
Mua maquangi torangas karumbane paquang tomoqo io keqde keqde
Daleqba namattimbeo kacci, taliwari Tia pao
Mua ummandei seqia ande, adde tomoqo iqo pecamu
mua mappakei parrassang, pake tomoqo iqo peruiq
Dao paquang kareppu, paquangoqo kareppe
Daleqbq io mie natumette, tumannungoqo tia
Muaq laoi dipassauang maqala uwai, Lao tomoqo iqo di buyung
Dao pikkoro, piqesung tomoo iqo apa toluaoroo
Mua mappiarai tobanggae manu piara tomoq iqo pepas
Dao pasiri maquang tarru tarrung, soqnaimo seiyya mauang teko
Muaq maqandei seqiya pandeng, ande tomoqo iqo poddang
Dao paquang malumu, paquangoqo tia malubbur
Daleqbaqo namauang malinggatoq, pangoqo tia manibao
Pasiriqo paquang karepus, dapasiriq maquang kaddukkung
Soqnaimo mauang seqiya tarring, paquang tomoqo iqo marepe
Muaq maqandei seqiya putu ambon, Ande tomoqo iqo putu cakir
Dao pipapa, pimamaqo apa toluaoroo
Datoqo iqo pole namaquang makko, Paquangoqo sikotol
Dao paccarita, pakkisao, apa toluaoroo
Mua maqbaluqo dapaquang elli ambu
Paquangoo paalio abbu apa toluaoroo
Paquangoqo ubba dapaquang gamo
Dao pittama di naong boyang, pittamao tia dinaong sapo
Daleqba namauangoo Palastiq, paquangoqo gamalo
Datoqo paquang malonggang, paquangoqo maluar apa toluaoroo
Muaq maqandei seqiya bambangan, ande tonoqo iqo obbang
Mua mandundui seqiya manyang, duddu tomoqo io iddu.
Pasiriqo mauang namoq, dapasiriq maquang burotoq
Soqnaimo maande seqiya bataq, niadde tomaq ita pussu
Dapakkacuru namaquang malakka, iggae tomaq itaq maquang malamber
Dapaquang sanaqeke bola kaca, pangoqo kaca bola.
Dao passiqbangan roppong, tiqbangani tia roppong
Dao sau mosasiq, sau tia mobau apa toluaoroo
Daleqbaqo namatindo, laoqo tia mamosso
Datoo io namaande atupe, paandeo Tia salluang
Dapaquang allo, pauangoqo tia paqdis apa toluaoroo
Maiqdi duapai namala ni pallaqbang, iyarie paue, minjari paissangan mammuarei mala nipepembali nipayari pau dilalang palluluarean iya to luaor.
By Tasriq.
Komentar